Hi ca in bulpak siatnak a tumtah loih hmailam canah a famkim lomi famkimnak dingah le kan bo sam mi ti kim tu ding ih ruahsannak thawn ngan mi a si.
A tha lam ka ngan mal ding ruangah tuan vo neitu le puai a zawhtu siseh, a kelkip ih a hmangtu zaten hnenah ngaithiam ka lo dil si loin ka lo sim thei cia men....
A hmaisa bikah minung kan tamtuk lonak san rel ka duh. Thinlung kau zet in inn tek lam ihsin khual thlennak ding on mi a si. Asinan inn tek kan daih awk loa si le HOTEL khal san ding in ralrin cia a si, timi thancia mi in mipi thinlung tampi a thawng. A fehnak ding man hman cemliam tam ding thawn mikhual tla an tam tuk cun tangka cem ding a phang sinsin ruangah mi khual 500 an kim lonak a si tin ka hmu.
Angki an zuar miah a vei 9 nak tin an ngan sual. Himi hi a tum hratnak ding a si nan a tum 9 tin a ngan mi a si. Hi vek theih ringringnak ding hrang ih tuahmi angki a sual cu a poi ngaingai. Tu le tikah hi vek thil cang sual pang hi ka rak thei dah lo. Kan hna tuannakah ral rin a tul ngaingai. Hmaisa bik zanah mipi hnenah ngai thiam dil ding a si nan neta bik zan lawngah an dil. Cumi kha poi mi a pathumnak a si cih.
Cule mipi tamzet mangbang in an phun ciamco. Ziang mi thuah tile zarhte zan rawl ei thu le zarhpi zan rawl ei thu ah!! Zarhte zan kha cu an fan hawl mi kha mipi tam sawn hnen ihsin phunnak anka a um, Ngel khih man kha tam an ti deuh cio bang. Chin kumthar tuah thei vivo nak ding hrang FAN a si timi hmu thiam lo tu pawl hrangah cun !!!! Zarhpi zan rawl ei cu a nelam rawl an daih awk lo thu theih a si. Neta le tampi tuahsak kan tum le ding!!!! "Mipi ei ding vok pakhat rori hlu tu Salai cu Salai dang in kan zoh thim ding mi Salai rori a si timi ka tar lang tel duh fawn!
Hmmmm.... Asia fate pawl tiah Can kan hmang dik lo nasa..., ka pelh solh liailiai.... tuan vo neitu siseh, hotu lam khal bo lo.... koh le hlam awk a tam nasa.... Puai sung khawm hmuahhmuahah vei 9 can an thleng thu record tuah a si. Can thleng timi hi tuanvo neitu um lo le man hrih lo ruang ih hmaisa tu neta, neta tu hmaisa ti vek in programme hman mi an si. A poi nasa... neta lam le cu ralring ten kan zuam cio ding ka zum..
Cun, khawmnak, leknak le thlennak inn umnak pawl hi a pak in a hla awk tuk ih mipi tampi kan buai zet. Tu hnu lamah cun puai zik zawngte lawngah FAN hawl ciamco loin a hlan khan ihsin mal tete in fan hawl thei sehla cule sumpai tla mal tete a vur aw netno ding. Hi vek ih a hlat awk ruangah inn tek lam ihsin ngaithiam dilnak a um vek in kan zaten kan ngai thiam ding khalah ka zum.
Chin mi kan thangso nasa... zuri sabah hmuh ding a mal zet. Inn tek lam in kilhimnak lamah nasa zet in tuanvo an lak ih to loin dung lam ih ding thliarthliar ti lo cu huatsuak tuk hmuh ding an um lemlo....!! "pahnih khat fang lawg"
Chin nunphuang lam, Chin Miss zuamtu pawl, hlamawi saktu, Duhdawtnak hlasaktu le lektu pawl, Bible zohlo zuamnak.........tvk hmuahhmuah ih a teltu le tawlreltu upa, a tuan ngaingai tu pawl upat sunloihnak pek phah in..
Ma Ram (Salai Mitthli)
No comments:
Post a Comment
Na ruahnak in hlawm ve aw