Rian Ram (biazai)

Hello..... Dam tha maw?.... Aw dam!

Cu zat, kha zat kan hei, sum

Cu mi ni hlan ah kan tul

An thei lo.. Kei, rain ram ih sal!

Zing ninu hlumpi a suak

Ar a khuang, phone sung a khawk

Puan hlum bil'n bual in ka pan

Ha rawt, dai bual ni suah caan

Kuam funkhat le kuak bur thawn

Zal sung pai'n rian ram ka pan

Dar awn ka hngak, hawi kulh in

Motor vak copco thlir pah'n

Theng re ai caan sun cawlh hnu

Pum te puar khaw, ih a hmu

Thang khat sing in lung a molh

Dar a awn lung thin a harh.

Sam thur bualbi mit sen in

Zan ih khawh lo tuar na cing

Rian ram ah mang lam bang in

Hey... A sual ding, tha ten tuan!

Outing ti'n tha zaang a cem

Vai rang tong, aan cing silo

Sal bang, mai duh sim ngam lo

Cu tin, thin nau in nitin ka liam.

Tha man kan suah thla cem in

Inn, rawl, mei, ti man pek hnu

Za thum li lawng a tang cun

Hui ha...... Inn lam teh ziang tin!